Saturday, June 02, 2007

အမှတ်တရ....

ဒိုင်ယာရီ စာမျက်နှာ (၃)။ ။

ကြုံခဲ့ဖူးသမျှ အောင်စာရင်းတွေထဲမှာ ပထမနှစ် အောင်စာရင်းထွက်တဲ့ညက အမှတ်တရ အဖြစ်ဆုံး.....။
အောင်စာရင်းကလည်း ည ၉ နာရီ ကပ်တယ်.....။ အဆောင်သူတွေ ဘယ်လိုလုပ် ကြည့်လို့  ရမလဲ....။လေးမတို့  က အောင်စာရင်းထွက်မှန်းလဲ မသိဘူး.....လက်ဖက်သုတ်စားပြီး စကားများနေကြတာ......။ည ၉ နာရီကျော်လောက်ကျတော့ bell သံတွေကြားရတယ်......။ ဂစ်တာလာတီးတာ သက်ဆိုင်သူတွေကို အချက်ပေးတယ်မှတ်နေတာ.....။ နောက်တော့ ဘယ်သူကတော့ Roll ဘယ်လောက်နဲ့ အောင်ပါတယ် ဆိုပြီး
ဆိုင်ရာလူကို သတင်းပို့ သံ ကြားရမှ အောင်စာရင်းထွက်မှန်း သိတယ်.......။ စားလက်စ လက်ဖက်သုတ် တောင် ဘယ်လို မျိုချလိုက်မိမှန်း မသိဘူး......၀ရန်တာကို ပြေးထွက်ပြီး ဘယ်သူမှန်းမသိတဲ့ အရိပ်တစ်ခုကို ခုံနံပါတ် ပြောပြီးကြည့်ခိုင်းရတယ်.....(တခြားအချိ်န်မှာသာ အဲလို ၀ရန်တာက လှမ်းအော်မိရင် အဆောင်မှူးမမရဲ့ ပါးစပ်အောက်မှာ သေလုမျောပါး ဒဏ်ရာရသွားမယ်) ။ Back row ကလူတွေက Front rowအခန်းရှင်တွေဆီ လာပြီး သတင်းနားထောင်ရတယ်.....။ လေးမတို့  အခန်းမှာလဲ လူတွေအများကြီး ...ရင်းနှီးတဲ့သူရော...မရင်းနှီးတဲ့သူရောပါတယ်....။ ခုံနံပါတ်တွေ ပြောပြီး အောင်စာရင်းကြည့်ခိုင်းကြတာလေ....။ “ခုံနံပါတ် မတွေ့  ဘူး” ဆိုလို့  ငိုတဲ့သူကငို......။ သွားကြည့်ပေးတဲ့ စေတနာရှင်တွေ ပြန်မလာတော့မှ အခန်းမှာ လူရှင်းပြီး နားရတယ်.....။
အောင်စာရင်း အကြောင်းရေးရင်း စာမေးပွဲ အကြောင်းက ခေါင်းထဲရောက်လာပြန်တယ်.....။
လေးမတို့  စာမေးပွဲဖြေရတာ ကူးချဖို့  မလိုဘူး....unseen ချည်းဘဲမေးလို့ လေ.....။ Open book ဖြေရမယ့် နေ့  ဆိုရင် စာအုပ်တွေ အိတ်နှစ်လုံးစာလောက် ယူသွားလဲ တပုဒ်မှ ကောင်းကောင်း မဖြေနိုင်ဘူး......။ လေးမ သိသလောက်တော့ စာကူးချ ၊ ခိုးချတဲ့ ဓလေ့ အဲဒီတုန်းက မရှိခဲ့ဘူး.......။ ထင်တာနော်.....။
Blog တစ်ခုမှာ အဝေးသင်စာမေးပွဲတွေမှာ စာကူးပွဲ ကြီးလို ဖြစ်နေတဲ့ အကြောင်းဖတ်လိုက်ရတော့
လက်ဖ၀ါးမှာ formula ရေးခဲ့မိလို့  ကျောင်းထုတ်ခံလိုက်ရတဲ့ senior အစ်ကိုတစ်ယောက်ကို သတိရမိပါရဲ့...။

0 comments: