Monday, August 25, 2008

Blogger နဲ့  Reader ... internet ရင်ပြင်မှာ

တစ်ခုသော တနင်္ဂနွေ နေ့ တွင် ဘလော့ဂ်တစ်ခု ပိုင်ဆိုင်ထားသော ဘလော့ဂ်ဂါ တစ်ဦးနှင့် အင်တာနက်စာမျက်နှာများကို မွှေနှောက် ဖတ်ရှုသူ စာဖတ်သူတစ်ဦးတို့  အင်တာနက် ရင်ပြင်တွင် စကားလက်ဆုံကျလျက်ရှိသည် …။


Blogger … ဟာ ရီဒါကြီး.. မတွေ့ တာကြာပြီနော်.. နေကောင်းလား…


Reader … ကောင်းလို့  အွန်လိုင်းတက်တာပေါ့ … မတွေ့ တာကြာဆို မင်းတို့ ကို အမြင်ကတ်လို့ … ဘလော့ဂါတွေကို ကြည့်မရလို့  .. မင်းတို့ ဆီမလာတာကွ …


ဘာဗျ … ကျုပ်တို့ က ဘာလုပ်နေလို့ တုန်း


မာန်တက်နေလို့ပေါ့ကွ … မင်းတို့ က ဘလော့ဂ်ဂါဆိုပြီး မာန်တက်နေကြလို့ … ပေါ့ … Myanmar Blogger Society ဆိုပြီးတော့ ထောင်ထားတဲ့ ဂိုဏ်းမှာ ပွဲဆူသွားတာ မတွေ့ ဘူးလား… မတွေ့ တာမဖြစ်နိုင်ပါဘူး… မင်းကိုတောင် လက်လျားလက်လျား လာလုပ်တာ တွေ့ လိုက်သေးတယ်…။


ဘလော့ဂ်ဂါ မို့ လို့  မာန်တက်စရာ … ဘာအကြောင်းမှ မရှိပါဘူးဗျာ …။ ကျုပ်တို့ က စာရေးဆရာတွေလို စာမူခရတဲ့ သူတွေမှ မဟုတ်ဘဲ … ။ ကျုပ်တို့ မှာ အရည်အချင်း ပိုရှိနေပါတယ်လို့  လည်း မခံယူဝံ့ပါဘူးဗျာ … ကျုပ်တို့ ရေးသမျှက ကိုယ်တိုင်ရေး.. ကိုယ့်ဘာသာ အယ်ဒီတာလုပ်… ကိုယ့်ဘာသာ တီးဖြတ်… ဘယ်သူမဆို … ဘယ်အရည်အချင်းနဲ့  ပဲ ဖြစ်ဖြစ် ရေးချင်ရာရေးရင်း ဘလော့ဂ်ဂါ ဖြစ်နေကြတာပဲ … ဘာများ မာန်တက်စရာရှိသလဲ …။ လူကြိုက်များ … အများလက်ခံလို့  နာမည်ကြီးနေတဲ့ ဘလော့ဂ်ဂါ ကြီးတွေကတော့ ခြွင်းချက်ပေါ့.. နော…။


ခင်ဗျားလည်း ဒီဂိုဏ်းထဲ ၀င်ချင်ရင် ဘလော့ဂ်တစ်ခု လုပ်ပြီး ၀င်ပေါ့ …။ ဒါလေးများ ... စားနေသေးတယ်...။


မင်းတို့ ပဲ ဘလော့ဂ်ရှိတိုင်း ဘလော့ဂ်ဂါ မဟုတ်ဘူးဆိုကွ … ပို့ စ် ဘယ်နှစ်ခုရှိရမယ်… ဘာဖြစ်ရမယ်.. ညာဖြစ်ရမယ်… ဘာညာ … ဘာညာ.. ဆိုကွ …။


ဒါကတော့ ခင်ဗျား လွတ်လပ်ခွင့်ပါဗျာ … ခင်ဗျား ကြိုက်သလို ခံယူလို့ ရပါတယ်… ပို့ စ် တစ်ပုဒ်ထဲ ရေးပြီး ဘလော့ဂ်ဂါလို့  ခံယူလို့ လည်း ရတယ်… ဘယ်သူမှ တရားလာစွဲလို့  မရဘူး…။ ဟိုအမျိုးသမီးဆိုရင် ပို့ စ် ၂၀၀ ရှိနေတာတောင် ဘလော့ဂ်ဂါလို့  မပြောချင်ဘူး… တဲ့ … ဒါပေမယ့် ဘလော့ဂ်မှာ စာရေးသူ= ဘလော့ဂ်ဂါ ပဲလေ…။


ငါက ဘလော့ဂ် မရေးချင်ဘူးကွ … စာဖတ်သူ သီးသန့် ပဲ လုပ်ချင်တာ…။ အဲဒီ topic မှာ ကြည့်ရင် မင်းတို့ က ငါတို့ စာဖတ်သူတွေကို ခွဲခြားခွဲခြား လုပ်ချင်တာ ရှင်းနေတာပဲ… မင်းတို့က အင်အားများတယ်ဆိုပြီး တစ်ယောက်ပြီး တစ်ယောက် ၀င်ပြောနေလိုက်ကြတာ… ။


ဒါကတော့ ရှင်းပါတယ်… ခေါင်းစဉ်ကြည့်ပါလားဗျ …. Myanmar Blogger Society လေ… ဘလော့ဂ်ဂါတွေများတာ ဘာဆန်းသလဲ…။ ကျုပ်သာခင်ဗျားနေရာမှာ ဆိုရင် ( ဘလော့ဂ်မရေးချင်ဘူးဆိုရင် ) http://myanmarbloggersociety.ning.com/ ဆိုတဲ့ ခေါင်းစဉ်ဖတ်ပြီး ငါ့နေရာမဟုတ်ပါဘူးလေ… ငါနဲ့ မဆိုင်ပါဘူး ဆိုပြီး ၀င်တောင်လာမှာ မဟုတ်ဘူး…။


ဒါကတော့ ငါတို့က မြန်မာပြည်သားတွေလေ… မြန်မာပြည်သားတွေ ဦးစီးပြီး မြန်မာပြည်သားတွေ စုဝေးနေတဲ့ နေရာတစ်ခုကို မြန်မာပြည်သားတစ်ယောက်အနေနဲ့  လာရောက်ပူးပေါင်းချင်တာပေါ့ဗျ…။ ဒါမျိုးချစ်စိတ်ဗျ…။ ပြီးတော့ ဖိတ်စာ ရောက်လို့ လာတာဗျ.. ငါ့သူငယ်ချင်း တွေက ဖိတ်စာပို့  လို့ ရောက်လာတာ…။ ရောက်လာပြီးမှ ငါတို့ ကို ကိုင်တွယ်မလေး ဘာလေးနဲ့  ... ခင်ဗျားတို့ က ဘာလဲဗျ …။


အေးဗျာ… ကျုပ်လည်း တကယ်တော့ ခင်ဗျားတို့ကို မရှိစေချင်လို့  ပြောတာမဟုတ်ပါဘူး…။ ခင်ဗျားတို့ လို အားပေးသူတွေနဲ့  အတူရှိနေရတာ ကျူပ်တို့ ကလည်း ပျော်ပါတယ်ဗျာ…။ Forum မှာ အသုံးအနှုန်းလေး နဲနဲ လွဲသွားတယ်လို့  ထင်ပါတယ်…။ ကျုပ်အထင်ကို ပြောမယ်ဗျာ … အထင်နော်… ဒီနေရာကို ဘလော့ဂ်ဂါလည်း မဟုတ်.. ရီဒါလည်း မဟုတ်ဘဲ နဲ့  ဗရုတ်ဗရက် လုပ်ချင်တဲ့ သူတချို့  ၀င်လာလို့  ဒီ topic ကို တင်တယ်လို့  ကျုပ်ထင်တယ်ဗျာ…။ မတော်တရော်ပုံတွေ တင်တဲ့ လူတွေ … အစိုးရ ငြိုငြင်အောင် လုပ်မယ့် သူတွေကို ကိုယ်တွယ်ဖြေရှင်းချင်တဲ့ သဘောပါတယ် လို့  ကျုပ် ယူဆသဗျာ …။


ဘလော့ဂ် စပေါ့ ဆိုတာ ပြည်တွင်းမှာ တရားဝင် တားမြစ်ထားတဲ့ နေရာတစ်ခုပါ …။ အဲဒါကို ခိုးဝင်ပြီး ရေးသားနေကြရတဲ့ ပြည်တွင်း ဘလော့ဂ်ဂါတွေရဲ့ ဘ၀ဟာ တကယ်တော့ မှောင်ခိုသမားတွေရဲ့ ဘ၀နဲ့ တူပါတယ်…။ အဲဒီတော့ ဒီနေရာ http://myanmarbloggersociety.ning.com/ ဟာ မှောင်ခိုသမားတွေနဲ့  မှောင်မခိုသမားတွေ ( မပိတ်ထားတဲ့နေရာက ရေးနေတဲ့ ဘလော့ဂ်ဂါတွေ) စုစည်းနေတဲ့နေရာ ဖြစ်နေပါတယ်..။ ဒီတော့ အစတည်းက အန္တရာယ်များတဲ့ နေရာတစ်ခုပါ...။ ပြည်တွင်းက ဘလော့ဂ်ဂါတွေ သတ္တိကောင်းကောင်းနဲ့  မ တည်ထားတဲ့http://myanmarbloggersociety.ning.com/ နဲ့  စီစဉ်သူတွေ ဘေးကင်းဖို့ ဆိုတာ သိပ်အရေးကြီးပါတယ်…။ ဒါကြောင့် အမှိုက်ကနေ မီးမလောင်ဖို့  အမှိုက်ဖွမယ့်သူတွေကို ကာကွယ်ဖို့  ကြိုးစားရင်း နားလည်မှုတွေ လွဲကုန်ကြတယ်လို့  ယူဆပါတယ်…။



အန္တရာယ်များတဲ့ နေရာဆိုရင် မင်း… ဘာလို့ လာသေးတုန်း..။

ဒါကတော့ ( မပုံရိပ် စကား ငှားသုံးရရင် ) မိုက်ဖော်မိုက်ဖက်တွေက အဲဒီမှာ စုနေသကိုး…။ အဲတော့ ဘော်ဒါတွေ စုနေတဲ့ နေရာ ကျုပ်လည်း သွားပူးပေါင်းသပေါ့ဗျာ…။ ရယ်စရာပြောရရင် အကောင့်လုပ်ရင်းနဲ့ တော့ နာဇီတွေက ဂျူးတွေကို သတ်ဖို့  အစုလိုက်အပြုံလိုက် စုဝေးနေစေတဲ့ ရုပ်ရှင်ပြကွက်လေး မြင်မိသဗျာ… အစုလိုက် အပြုံလိုက်ကြီး စောင့်ကြည့်ခံရတော့မယ်လို့  …။


ဒါတော့ မင်းက စီစဉ်သူတွေရဲ့ စေတနာကို စော်ကားတာပဲ…။


စော်ကားတာ မဟုတ်ပါဘူးဗျာ … ရယ်စရာပြောတာပါ ဆိုနေဗျာ…။ ကျူပ်က အံ့သြ လေးစား ချီးကျူးမိတာပါ ….။ တကယ်တော့ ကျုပ်တို့ လို ရိုးရိုးသားသား လွတ်လွတ်ကင်းကင်း ရေးနေတဲ့ သူတွေ အဖို့  ဘာမှ စိုးရိမ်နေစရာမလိုပါဘူး… သို့ ပေမယ့်လဲ … သို့ ပေမယ့်ပေါ့ဗျာ… ပြည်တွင်းမှာ ဘလော့ဂ်ဂါဆိုတာနဲ့  ဆွေမျိုးတွေက မရေးဖို့ ပြောကြတယ်ဗျ …။ ကိုလင်းဦး တောင် ပို့ စ်မှာရေးထားသေးတယ်…။


ဒီလို အခက်အခဲတွေနဲ့  ဒီလိုကြောင့်ဆိုရင်တော့ ငါ လက်ခံနိုင်ပါတယ်…။ ကိုပီကေ ပြန်ဖြေထားတာတွေကလည်း သဘာဝကျပါတယ်…။



ဟုတ်ပါတယ်… ကိုပီကေ ပြန်ဖြေထားသလိုပါပဲ … blog reader တွေကို ဘလော့ဂ်ဂါတွေက အရမ်းကို တန်ဖိုးထားပါတယ်….။


အေး.. ဒါနဲ့  မင်းတို့  ဘလော့ဂ်ဂါတွေက အထာနဲ့  ဆိုကွ…။ ကိုပီကေ က ဒီလို ရေးထားလို ကျနော်တို့ ဘလော့ဂ်မှာ အထာတစ်ခုက ကိုယ်ပို့စ်တစ်ခု ရေးထားရင် သူများဆီ သွားလည်ပါတယ်။ ၀တ်ကျေတန်းကျေ လည်ရုံသက်သက်ဖြစ်ပြီး တချို့တော့လည်း တကယ်ကို စာဖတ်ချင်လို့ သွားလည်ကြတယ်။ ၀တ်ကျေတန်းကျေ သွားလည်ရတဲ့ အကြောင်းအရင်းက ငါလာလည်တယ်၊ မင်းလည်း ငါ့ဆီပြန်လာ ဆိုတဲ့ အထာလေး ပေးခဲ့တာပါ။ ဒါကြောင့် ဘလော့ဂါတချို့ ဒီအထာနဲ့ လည်ကြတယ်။ ”


အင်း… ဟုတ်လဲ … ဟုတ်တယ်… ဟုတ်လဲဟုတ်ဘူး … ။ ကျုပ်အနေနဲ့ ပြောပါဆိုရင်တော့ မဟုတ်ဘူး… ကျုပ်မှာ ပို့ စ်အသစ် ရှိရှိ မရှိရှိ ကျုပ် စိတ်ကူးတည့်ရာ လည်တာပဲ…။ ဒီိကိစ္စနဲ့ ပတ်သက်လို့  မလေးမ တောင် တစ်နေ့ ကပဲ ကိုပီကေ ဘလော့ဂ်ကို မသွားရဲဘူးလို့  ပြောနေသေးတယ်…။


ဘာလို့ လဲဗျ… ဗျို့  … လေးမရေ… ထွက်ခဲ့ပါဦး.. ။ ခင်ဗျား .. ကိုပီကေ ဘလော့ဂ် မလည်ရဲဘူးဆို….။


လေးမ… ဟုတ်တယ်… ကြောက်လို့ …။ လေးမက လည်မိရင် ကွန်မန့်  ချန်တတ်တယ်… တော်ကြာ ကပီကေကြီးက “ လေးမ ကျွန်တော့်ကို အထာ လာပေးသွားပါတယ်” လို့  ဘလော့ဂ် ရပ်ကွက်ကြီးမှာ ထအော်လိုက်ရင် ရှက်စရာကြီး…။ ပြီးတော့ ကြေးအိုးလေးက သတင်းရပြီး ထမီစွန်တောင်ဆွဲ… ( သို့ ) ဂျင်းဘောင်းဘီ မ ပြီး..“ ချစ်မ.. ချစ်မ… ဘာရုတ်တာရဲ… ဘာသဘောရဲ… သတ္တိချိရင် စီမီနာ လာတက်…စီမီနာရောက်မှ.. တစ်ယောက်ချင်း ဖိုက်မယ်” ဆိုလို့ ကတော့ ဘလော့ဂ်ရပ်ဝန်းမှာ ပွက်ပွက်ညံသွားတော့မှာ… အဲဒါကြောင့်… ။ ဒါပဲမို့ လား… ပြန်တော့မယ်…. ကျွန်မ မအားဘူး… ဂိမ်းဆော့နေရာက ထလာရတာ….။


လေးမက ကလေးလည်းမဟုတ်ဘဲ ဆော့နေပြန်ပြီ…


အမှန်တော့ ကြည့်ကောင်းအောင် ပြောသွားတာနေမှာပါ … သူက သူများအကြောင်းလဲ မပြောတတ်ပါ ဆိုပြီးတော့ စပ်မိစပ်ရာ အိမ်.. သွားသွားလည်ပြီး အတင်းအုပ်နေကျလေ…။ ကိုသင်္ကြန်ကြီးကလည်း အတင်းအုပ်မယ်ဆိုတာနဲ့  နားရွက်ကို ထောင်နေတာပဲ …။ ဒီကြားထဲ မဲဆောက် ကြွက် က လက်ဖက်ပန်းကန်လေးကိုင်ပြီး အနော် ကြောက်တယ်… အနော်ကြောက်တယ် ဆိုပြီး ပါးစပ်လေး အုပ်ပြီး ၀င်ဖွသေးတာ…။


အင်း.. မင်းတို့  ဘလော့ဂ်ရပ်ဝန်းကြီးက အဲဒီလို ပျော်စရာကောင်းလို့  ငါတို့ က ခင်မိနေတာ… စာမရေးချင်ပေမယ့် မင်းတို့ နဲ့  အတူ ရှိနေချင်တာဗျ…။


နားလည်ပါတယ်ဗျာ… ကျုပ်တို့ ကလည်း ခင်ဗျားတို့ ရှိနေတာကို တကယ်ကို လိုလားပါတယ်…။ စိတ်အခန့် မသင့်ဖြစ်ခဲ့တာလေးတွေ ရှိရင် ကျေတော့.. ချေလိုက်တော့ဗျာ…။ အရေးမတတ်တဲ့ စကားလေးတချို့ အတွက် အထအန ကောက်မနေကြစို့ရဲ့ …။ သွေးသားအရင်းကြီး ဖြစ်တဲ့ မိဘနဲ့  သားသမီးတောင် သဘောထားခြင်း မတိုက်ဆိုင်တာတွေ ရှိကြသေးတာပဲ….။ ဘာမှမတော်ကြတဲ့ လူတွေ ... တစ်ယောက်နဲ့  တစ်ယောက် အမြင်မတူနိုင်တာလေးကို သည်းခံသင့်ရင် သည်းခံပေးလိုက်ပါ…။ ဘလော့ဂ်ဂါ… ရီဒါဆိုတာ တကယ်တော့ ပညတ်ချက်တွေပါ…။ အားလုံးဟာ သချိုင်းကို ချီတက်နေတဲ့ ရုပ်နာမ်နှစ်ပါးနဲ့  ရဲဘော်ရဲဘက်တွေပဲ…။ မသေခင် ဆုံကြရတာ… ပျော်ပျော်ပါးပါးပေါ့နော…။ ။


ရည်ညွှန်းကိုးကား ။ ။ ဘလော့ဂါ မဟုတ်သူများကို ကိုင်တွယ်ဖြေရှင်းနိုင်ရန်



မှတ်ချက် ။ ။ ၂၀၀ မြောက်ပို့ စ်ပါ..။

17 comments:

Wednesday, August 20, 2008

သို့  … သူငယ်ချင်း ( ၂ )

နင် မရှိတဲ့ နေရာမှာ


နင်မသိတဲ့ အလွမ်းတွေနဲ့ 


နင့်ကို သိပ်သတိရနေတဲ့


နင်နဲ့  သူငယ်ချင်းတော်စပ်တဲ့


နင်ရဲ့ သူငယ်ချင်း


ငါရှိနေတာ


နင်အသိအမှတ်ပြုခဲ့မယ်ဆို


နင်ပတ်သက်ခဲ့သမျှတွေကို


ထိုင်ကြည့်ရင်း လွမ်းနေရတာ


ငါ


လွမ်းပျော်ပါပြီ… ဟာ…။ ။


 


သို့  … သူငယ်ချင်း (၁)

11 comments:

Monday, August 11, 2008

ရေ … ရေ … ရေ ပေးပါ

ရေ … လူ့ ဘ၀မှာ နေ့ စဉ်သုံး … သူမရှိရင် အဆင်မပြေ … ။ ရေ ကို ပုံစံအမျိုးမျိုးနဲ့  လို အပ်နေကြသည် …။ လိုအပ်နေတဲ့ နေရာမှာ ရေက ပုံစံအမျိုးမျိုးနဲ့  ဖြည့်ဆည်းပေးနေရသည် … ။


ကျွန်တော့် ဘ၀မှာ ရေ ကြောင့် ဆန္ဒပြခဲ့ဖူးတယ် လို့  ပြောရင် ခင်ဗျားတို့  အံ့သြသွားကြမလား … ။တကယ်ပါ … ကျွန်တော် ရေ အတွက် တိုက်ပွဲ ၀င်ခဲ့ဖူးပါတယ် …။


အထက်အညာဒေသ … ရေရှားတဲ့ ဒေသ .. ခုခေတ်လို တံဆိပ်အမျိုးမျိုးနဲ့ ရေသန့် လို့ စာတမ်းထိုးထားတဲ့ ရေသန့်ဗူးတွေ ဖောဖောသီသီ မရှိသေးတဲ့ အချိန်မှာ ကျွန်တော်တို့  နယ်က စာသင်ကျောင်းတွေမှာ ကျောင်းသားတွေအတွက် သောက်ရေကို ကျောင်းက စီမံပေးကြတယ် … ။ ကျောင်းသားတွေက အလှည့်ကျ ရေဖြည့်ရတယ် …။ တွင်းရေကို ပိုက်နဲ့  သွယ်ပြီး ရေစစ်ကန်မှာ တဆင့်ခံပြီး လှောင်ထားပေးတာကို ကျောင်းသားတွေက ရေ အိုးနဲ့  အလှည့်ကျ သယ်ကြရတယ်… ။ တစ်နေ့  … ကျွန်တော့်ရဲ့ အလယ်တန်း ကျောင်းသားဘ၀ရဲ့ ရက်စွဲတစ်ခုမှာ … ကျောင်းမှာ သောက်ရေ အခက်အခဲ ဖြစ်သွားတယ်…။ ရေတွင်းကြောင့်လား .. ရေစစ်ကန် ကြောင့်လား .. ကျွန်တော် သေချာ မမှတ်မိတော့ပါ …။ ကျွန်တော်မှတ်မိသည်ကတော့ ကျောင်းသူကျောင်းသားများအတွက် ရေ ပြတ်လပ် သွားသည်မှာ တစ်ပတ်ခန့်  ကြာမြင့် သွားသည် …။ ကျွန်တော်တို့  နယ်မှာ အိမ်က ရေဗူး.. နှင့် ကျောင်းတက်သော အလေ့အကျင့် ကလည်းမရှိ … အနီးအနားရွာများမှ လာရောက် ပညာသင်ယူရသော ကျောင်းသားများလည်း ရှိသဖြင့် ရေ ပြတ်လပ်သော ပြသနာ ကြောင့် ကျောင်းသားများ အလွန် ဆင်းရဲဒုက္ခရောက်ကြရသည် …။


ရေပြတ်လပ်မှု တစ်ပတ်ပြည့်တဲ့ နေ့ … ကျွန်တော် မေ့မရတဲ့ နေ့  … အဲဒီနေ့  နေ့လယ်ခင်း ထမင်းစားဆင်းချိန်မှာ ကျွန်တော်တို့  ပဉ္စမတန်း စာသင်ခန်းထဲကို ကျောင်းသားကြီး ငါးယောက်ခန့်  ၀င်လာပါတယ် …။


“ အားလုံး … နားထောင်ပေးပါ”


အရပ်မြင့်မြင့် မျက်ခုံး ကောင်းကောင်း … နဲ့  ကျောင်းသားကြီးရဲ့ အောင်မြင်ခန့်ညားတဲ့ အသံဝါကြီးနဲ့  အရောင်တောက်နေတဲ့ မျက်လုံးတွေ အောက်မှာ ကျောင်းသားတွေ အားလုံး ငြိမ်ကျသွားပါတယ် …။


“ ညီလေး .. ညီမလေးတို့  … မင်းတို့ မှာ ရေ … သောက်စရာ ပါလား..”


“ မပါပါဘူး” သံပြိုင် အော်လိုက်ကြတယ်..။


“ ငါတို့ ကျောင်းမှာ ရေပြတ်လပ်နေတာကြာပြီဆိုတာ မင်းတို့ အသိပဲ …”


“ ငါတို့  ကျောင်းသားတွေ ရေငတ်နေတာ .. သည်းခံနေလာခဲ့တာ တစ်ပတ်ရှိသွားပြီ … ငါတို့ ရဲ့ ဆရာဆရာမတွေကလည်း ထိရောက်အောင် မစွမ်းဆောင်ပေးနိုင်ဘူး…။ ဒီတော့ ငါတို့  ခံစားနေရတာကို ကျောင်းအုပ်ဆရာကြီးကို တင်ပြဖို့ လို တယ်…။ တစ်ဦးတစ်ယောက်တည်း သွားပြောရင် အရေးတယူ ဆောင်ရွက်ပေးမှာမဟုတ်ဘူး…။ ဒီတော့ ငါတို့  အများစုရဲ့ ဆန္ဒကို အများစုကိုယ်တိ်ုင် ဖော်ထုတ်ပြသရမယ်…။ မင်းတို့ သိထားရမှာက ငါတို့ ဟာ ကျောင်းအုပ်ဆရာကြီးကို ကလန်ကဆန်လုပ်တာ မဟုတ်ဘူး… ငါတို့ ရဲ့ အခက်အခဲကို ရိုးသားစွာ တင်ပြတာဖြစ်တယ်…။ ဒီတော့ မင်းတို့ ရဲ့ အမူအယာဟာ ရိုးသား ယဉ်ကျေးဖို့  လိုတယ်…။ ကျောင်းလွှတ်ချိန်ရောက်ရင် ကျောင်းအုပ်ဆရာကြီး ရုံးခန်းရှေ့ မှာ ငါတို့ ရဲ့ အခက်အခဲကို သွားတောင်းဆိုကြမယ်…။ ငါတို့ နဲ့ အတူ လိုက်မယ့် ညီငယ် .. ညီမငယ်တွေက ကျောက်သင်ပုန်းပေါ်မှာ ရေးထားတဲ့ စာကို သေချာ ကျက်မှတ်ခဲ့ပါ …”


သင်ပုန်းပေါ်မှာ ကျောင်းသားတစ်ယောက်ရေးပေးသောစာကို ကျွန်တော် သေချာ လိုက်ကူးလိုက်ပါသည် …။ ထိုကျောင်းသားကပဲ ကျောင်းသားအားလုံးကူးပြီးချိန် လောက်မှာ ပြန်ဖျက်သွားပါသည် …။


ညနေပိုင်း စာသင်ချိန်များသည် ကျွန်တော့်အတွက် ကုန်ခဲလှပါသည် …။ ဆရာမ၏ သင်ကြားမှုများသည် ကျွန်တော့်ရဲ့ လှုပ်ရှားနေတဲ့ စိတ်ကို တည်ငြိမ်အောင် စွမ်းဆောင်နိုင်ခြင်းမရှိ …။ ကူးယူထားသောစာကို မေ့မသွားအောင် စိတ်ထဲက ကြိမ်ဖန်များစွာ ရွတ်ဆိုနေခဲ့သည် …။


ဒီလိုနဲ့  ညနေ ကျောင်းဆင်းချိန်မှာ ကျွန်တော် အပါအ၀င် အတန်းသား တော်တော်များများ အခန်းရှေ့ တွင် ကျောင်းသားကြီးများကို စောင့်နေခဲ့ကြသည် …။ ကျောင်းသားကြီးများဦးဆောင်ပြီး ကျောင်းအုပ်ဆရာကြီး ရုံးခန်းရှေ မှာ နေရာ ယူလိုက်ကြသည် …။


ဆရာကြီး၏ အခန်းတံခါး စေ့ထားကြောင်း ကျွန်တော် သတိထားမိခဲ့သည် …။


အားလုံးနေရာ တကျဖြစ်သွားချိန်တွင် …


“စ..”


“ရေ … ရေ … ရေ ပေးပါ


ရေ ကြည်ပြတ်လို့  မနေနိုင်


ခွေယိုင်လို့ သာ လဲ ပါပေါ့


ရုံးခန်းထဲက ဆရာကြီး ( အသံကိုဖိ … အံကြိတ်ကာ အော်မိသည် )


ကျောင်းသားတွေကို ထွက်ကြည့်ပါဦး..” ( အသံကို မိုင်ကုန်တင်ကာ အော်လိုက်ကြသည်)


ကျောင်းအုပ်ဆရာကြီး ရုံးခန်းထဲက ထွက်လာမည်လောဟု ကျွန်တော် ယောင်ယမ်းကာ မျှော်ကြည့်မိသေးသည် ..။


ကျောင်းဝန်ထမ်းများက ကျွန်တော်တို့ ကို ကြည့်ပြီး ကြံရာမရသည့် မျက်နှာများဖြင့် ရုံးခန်းထဲသို့  ၀င်သွားကြသည် …။ ကျွန်တော်တို့  ၅ ခေါက်မျှ အော်ပြီးချိန်တွင် ဒု - ကျောင်းအုပ်ထွက်လာကာ ရေ.. အမြန်ဆုံး အဆင်ပြေစေရမည် ဖြစ်ကြောင်း ပြောဆိုကာ ကျွန်တော်တို့ ကို အိမ်ပြန်စေခဲ့သည် …။


နောက်တစ်နေ့  နေ့လယ်ခင်းတွင် သောက်ရေ အဆင်ပြေစွာ သောက်သုံးနိုင်ပြီ ဖြစ်ကြောင်း အတန်းပိုင်ဆရာမက ပြောကြားခဲ့ပါသည် ..။ ရေပြသနာ ပြေလည်သွားလေပြီ …။ ကျွန်တော်တို့  တောင်းဆိုမှုနှင့် ဆိုင်သည်မဆိုင်သည်ကိုတော့ ကျွန်တော် အခုထိမသိခဲ့ပါ …။ သို့သော် .. ကျွန်တော်တို့  တောင်းဆို ခဲ့ကြသည် … ကျွန်တော်တို့ ရရှိခဲ့ကြသည်… ကျွန်တော်တို့  ကျေနပ်ခဲ့ကြသည် …။


အခု ကျွန်တော့် အသက် ၅၀ ကျော်ခဲ့ပြီ…။ အလယ်တန်း ကျောင်းသားဘ၀ က အဖြစ်ကို ပြန်တွေးကာ ကျွန်တော်ပြုံးမိသည် …။ တဆက်တည်း ကျွန်တော့်ကိုယ်ကျွန်တော် အံ့သြမိပြန်သည် …။ အဲဒီတုန်းက ကျောင်းအုပ်ဆရာကြီးက ကြိမ်လုံးနဲ့  ထွက်ရိုက်မှာ … မိဘထံ တိုင်စာပို့ မှာ … နောက်ဆုံး ကျောင်းထုတ်ခံရမှာ… အဲဒါတွေကို စိုးရိမ်ကြောင့်ကြခြင်းမရှိဘဲ အရေးဆိုခဲ့မိတဲ့ အတွက် အံ့သြမိသည် …။ လက်ရှိမှာ ၉ တန်းကျောင်းသား ကျွန်တော့်သားကို ကျောင်းစာကိုသာ စိတ်ဝင်တစားသင်ယူရန်.. အခြားမည်သည့် အရေးကိုမှ စိတ်မ၀င်စားရန် ကျွန်တော် တတွတ်တွတ် ဆုံးမနေတတ်သည် မဟုတ်ပါလား…။ ကျွန်တော့်သားကလည်း ဆယ်တန်းအောင်လျှင် နိုင်ငံခြားမှာ ကျောင်းသွားတက်ဖို့ … ကောင်မလေးများနဲ့  ချက်တင်းထိုင်ဖို့  … ဆရာ..ဆရာမ အလစ်.. မှာ နားကပ်တစ်ဖက်ကို ခိုးတပ်ဖို့  … ပိတ်ရက်မှာ dancer သင်တန်းတက်ဖို့  က လွဲလို့  ကျွန်တော်စိုးရိမ်သော ကိစ္စရပ်များကို ယောင်လို့ မှ စိတ်မ၀င်စားသည့် အတွက် ကျွန်တော် ရင်အေးစွာ … ရင်လေးစွာ သက်မချရပေါင်းလဲ မနည်းတော့ …။


ကျွန်တော့်မှာ အလယ်တန်း ကျောင်းသားဘ၀တုန်းကလို သတ္တိမျိုး ရှိမနေတော့တာ သေချာပါသည်…။ အဲဒီတုန်းကလို အခြေအနေမျိုး … အခုနေကြုံကြိုက်လာလျှင် … ကျွန်တော် တောင်းဆိုဝံ့ပါတော့မလား … ။ ကျွန်တော်သည် ရေသောက်စရာမရှိလျှင် ကိုယ့်တံထွေးကိုယ် မျိုချကာ ကြိတ်မှိတ် သည်းခံနေနိုင်မည်လား … တရားသဘောပါပဲလို့  သဘောထားကာ ဖြစ်ပျက် .. ရှုမှတ်နေမိမည်လား… ငယ်ရွယ်သော လူငယ်လေးများကို .. တောင်းဆိုကြပါ.. တောင်းဆိုကြပါ … ဘေးကနေ အားပေးနေပါတယ်… လို့  တိုက်တွန်းမိမည်လား… မသေချာပါ …လူဆိုတာ အသက်ကြီးလာလေ… သတ္တိနည်းလာလေ… အတ္တကြီးလာလေ… ကိုယ့်ကိုယ်ကို ချစ်တတ်လာလေပဲ… ဟုမှတ်ယူရမည်လား… အသက်ကြီးလာလေ… ဆင်ခြင်တုံတရား ပြည့်ဝလာလေ… တွေးခေါ်စဉ်းစားတတ်လာလေ … အရာရာကို နားလည်ပေးနိုင်ဖို့ … တရားနဲ့ ဖြေနိုင်အောင် ကြိုးစားတတ်လာလေ လို့ ပဲ… မှတ်ယူလိုက်ရမလား … ကျွန်တော် မဝေခွဲတတ်ပါ …။ ကျွန်တော် မသိပါ …။ ကျွန်တော် သိတာကတော့ လောလောဆယ် အတွေးတွေနဲ့  ကျွန်တော် ရေငတ်နေပါသည်…။


ရေ … ရေ … ရေ ပေးပါ … .။ ။

11 comments:

Friday, August 01, 2008

အိမ်ပြန်ချိန်များ

ဒီနေ၀င်တာ နောက်ထပ် ကြုံဦးမယ်


နေဟာထွက် ပြီးရင် ၀င်မယ်…


လူတွေဟာ ဆုံပြီးရင် ခွဲကြရမယ်… မွေးဖွားလာပြီးရင် သေဆုံးကြရမယ်…


ချိန်တန်လာရင် နုတ်ဆက်ရမယ် ဒီအတိုင်းပဲ


တစ်ချိန်ချိန်မှာ ကျွန်မတို့  ခွဲကြရမယ် … တစ်ချိန်မှာတော့ နုတ်ဆက်စကားပြောရလိမ့်မယ်…


ကျွန်မ ဘ၀ရဲ့ နေ၀င်ချိန်… ကျွန်မသေဆုံးသွားတဲ့ အချိန်မှာ “ ကို” အပါအ၀င် ကျွန်မ ချစ်တဲ့ သူအားလုံးကို ကျွန်မနုတ်ဆက်ခဲ့ရမယ်… ထားခဲ့ရမယ်ဆိုတာကို ခိုင်ခိုင်မာမာ လက်ခံထားနိုင်ခဲ့ပေမယ့် တကယ်တမ်း ရင်ဆိုင်ရတော့မယ်ဆိုတော့ ထင်သလောက် သတ္တိမရှိတော့ဘူး…။


သယ်ဆောင်ရာ ခြေလှမ်းတို့  နောက်ကွယ်


ထင်ကျန်နေတဲ့ တို့ ရဲ့ စိတ်တွေ ကြေကွဲ..


ကျွန်မရဲ့ ရုပ်ခန္ဓာကြီးက တကျိကျိတွန်းသွားတဲ့ ကုတင်လေးပေါ်မှာ ငြိမ်ငြိမ်လေးလိုက်ပါသွားပေမယ့် ကျွန်မရဲ့ စိတ်တွေက မိသားစုဆီမှာ… ကို့  ဆီမှာ… “ဒီအချိန်လွန်သွားရင် ပြန်တွေ့ ရပါဦးမလား..” “ ထားခဲ့ရပြီလား.” “ သွားရတော့မှာလား”…လို့  ကြေကွဲစွာတွေးနေမိတယ်… ။


အမှောင်ဝင်လာတဲ့ လမ်းထဲ


ကျွန်မ သွေးမကြောင်ပါဘူး… ကျွန်မ မကြောက်တတ်ပါဘူး.. … ဒါပေမယ့် မှောင်လိုက်တာ “ ကို” ရယ် … ကျွန်မကို သူတို့  ခေါ်သွားတဲ့ လမ်းလေးက မှောင်လိုက်တာ….။ ပြီးတော့.. အေးလိုက်တာ.. …။ ကျွန်မ မရင်းနှီးတဲ့ နေရာမှာ ကျွန်မ မနှစ်သက်တဲ့ ၀တ်စုံကြီးနဲ့  ကျွန်မ ဘယ်လောက်များ ကသိကအောက် ဖြစ်လိုက်မလဲ … “ကို ” တွေးကြည့်လေ …။


ယုံကြည်နေတဲ့ အသိတို့ေ၀၀ါးဆဲ


ကျွန်မ ဒီ အခန်းထဲက အောင်အောင်မြင်မြင် ပြန်ထွက်လာနိုင်မယ်… ကျွန်မ ဘာမှ မဖြစ်နိုင်ဘူး… အချိန်တစ်ခု လွန်မြောက်ပြီးသွားရင် “ကို”့ ကို ပြန်တွေ့ ရမယ်… ဆိုတဲ့ ယုံကြည်ချက်ကို ခိုင်မာသထက်ခိုင်မာအောင် ကျွန်မ တည်ဆောက်နေတဲ့ အချိန်မှာ“ မတော်တဆများ”… ဆိုတဲ့ သံသယတွေက ကျွန်မရဲ့ ယုံကြည်ချက်တွေကို ယိုင်နဲ့  စေခဲ့တယ်…။


ကြုံတာကို ဆုံလိုက်ဖို့  အသင့်ပြင်လို့ ထားလဲ


ဝင်လာပါ ခေါ်လိုက်ဖို့  ခက်တယ်..


အရာရာ အဆင်သင့် မဖြစ်သေးခင် အချိန်လေး


တကယ်တမ်းကျတော့ ကျွန်မ အဆင်သင့် မဖြစ်သေးဘူး … ကို့ ကို ခွဲသွားဖို့  ..မိသားစုကို ခွဲသွားဖို့ … အဆင်သင့် မဖြစ်သေးပါဘူး…။ သေခြင်းတရားကို ၀င်လာပါလို့  ပြုံးပြုံးလေး ခေါ်လိုက်ဖို့  အဆင့်သင့် မဖြစ်သေးပါဘူး…။ ခဏနေပါဦး… သေခြင်းတရားရယ်… ကျွန်မကို ရှင်သန်ခွင့်ပေးပါဦး…။


မျက်ဝန်းတွေ နုတ်ဆက်လိုက်ဖို့  အားယူနေဆဲ



ကျွန်မ မျက်လုံးတွေ မမှိတ်ချင်သေးဘူး…။ ကျွန်မ နေပါရစေဦး..။ မမှိတ်ဘူး.. မပိတ်ဘူး… ကျွန်မ မျက်လုံးတွေ ပိတ်မသွားအောင် ကျွန်မ အားတင်းထားမယ်….။

နောက်ဆုံးတော့ ကျွန်မ အနိုင်ရခဲ့ပါတယ်…။ ကျွန်မ လွတ်မြောက်ခွင့်ရခဲ့တယ်…။ ကျွန်မ ရှင်သန်နိုင်ခဲ့တယ်…။ ကျွန်မချစ်တဲ့ သူတွေ ဆီကို ကျွန်မ ပြန်လာနိုင်ခဲ့တယ်…။ ကျွန်မ အိမ်ပြန်နိုင်ခဲ့ပါတယ်…။


ဒါပေမယ့်လေ…


ဒီနေ၀င်တာ နောက်ထပ် ကြုံဦးမယ်…


ဒီနေ၀င်တာ နောက်ထပ် ကြုံဦးမယ်… ။ ။





မှတ်ချက် ။ ။ ဒီနေ့  ကိုငှက်သီချင်း အိမ်ပြန်ချိန်များ နားထောင်ရင်း မရေးဖြစ်တာ ကြာပြီဖြစ်တဲ့ heart touching songs အတွက် ပို့ စ်တစ်ပုဒ် ရေးဖြစ်သွားပါတယ်…။ ကိုငှက်က တစ်နေ့ တာ အတွက် ချစ်သူနှစ်ဦး လမ်းခွဲချိန်ကို ရည်ရွယ်ထားပုံရပါတယ်..။ လေးမကတော့ ၂၀၀၄ ခုနှစ်က ခွဲစိတ်ခန်း ၀င်တုန်းက ခံစားချက်ကလေးကို အခြေခံထားပြီး ရေးထားပါတယ်… သူ ခရီးထွက်နေတဲ့ အချိန်မှာ ရုတ်တရက် ခွဲစိတ်မှု ကြုံရတာ ဖြစ်တဲ့ အတွက် အရမ်းပဲ ၀မ်းနည်း စိုးရိမ်ခဲ့ရတဲ့ သောက လေးကို အခြေခံထားပါတယ်..။အဲဒီ အကြောင်း အရင် က I’m still ALIVE ဆိုပြီး မတောက်တခေါက် ရေးခဲ့ဖူးပါတယ်…။

17 comments:

လှလှပပလေး

လှလှပပလေး

အဓိပ္ပါယ်ဖွင့်ကြတယ်...

လှလှပပလေး

တန်ဖိုးထားကြတယ်...

လှလှပပလေး

နင်းခြေလိုက်ကြတယ် ...

လှလှပပလေး

ခုတုံးလုပ်ကြတယ်...

လှလှပပလေး

အစားထိုးလိုက်ကြတယ် ...

လှလှပပလေး

အဆုံးသတ်လိုက်ကြတယ်...

လှလှပပလေး

စာလုံးပေါင်းကြတဲ့

သူ့ ကို

"အ" ... ခခွေး ရပင့်

စလုံးသတ် ... ကို  ... ။

14 comments: